Gasteizko tranbiaren hamargarren urteurrena ospatzeko jardunaldia egingo dute asteazkenean

Euskotren sozietate publikoak Gasteizko tranbiaren hamargarren urteurrena ospatzeko ekitaldia egingo du asteazkenean, abenduaren 19an, Europa jauregian, tranbiaren lehena, oraina eta geroa jorratuko duen topaketa batekin. Gainera, hil osoan zehar hainbat ekintza egingo dira erabiltzaileentzat, geltokietan zein unitateetan bertan, eta ospakizun erakusketa bat izango da ikusgai Europa jauregiaren kanpoaldean.

Bizkaiko Aldundiak 2,3 milioi bideratuko ditu enpresa, gizarte, udal eta IKTetan euskararen erabilera sustatzera

Bizkaiko Foru Aldundiko Euskara eta Kultura Sailak euskararen sustapen, hedapen eta normalizaziora bideratutako lau dekretu onartu ditu astearte honetako Gobernu Kontseiluan. Horrela, foru administrazioak 2.330.000 euro erabiliko ditu gizartean euskararen presentzia sustatu eta hedatzen duten enpresei, irabazi asmorik gabeko pertsona juridikoei, udalei eta mankomunitateei zuzenduriko diru laguntzetan.

Euskaltzaindiaren mendeurrenaren inguruko jarduerak 100.000 eurorekin lagunduko ditu Jaurlaritzak

Eusko Jaurlaritzako Gobernu Batzordeak Euskaltzaindiarentzat 100.000 euroko diru laguntza zuzena onartu du astearte honetako bileran, Akademiaren mendeurrena dela-eta antolatu diren ekitaldiak diruz laguntzeko. Euskaltzaindiak era askotako jarduerak antolatu ditu urte osoan zehar mendeurrena ospatzeko, eta laguntzaren bitartez Jaurlaritzak ospakizuna babestu nahi izan du.

Leguineche familiaren eskuzabaltasuna eskertu du Jaurlaritzak, Manu Leguinecheren ondarea gizartearen esku uzteagatik

Euskadiko Artxibo Historikoak bisitaldia antolatu du astearte honetan Manu Leguineche kazetariaren familiak erakundeari eman dizkion funtsak erakusteko, eta Eusko Jaurlaritzako Kultura eta Hizkuntza Politika Sailak aukera baliatu nahi izan du, Joxean Muñoz Kulturako sailburuordearen bidez, Leguineche familiari esker ona azaltzeko eta orain digitalizatzen ari diren funts hauek erakundeari eman izana eskertzeko.

Gutxiengo etnikoekin egiten duen lana azalduko du Ertzaintzak asteazkenean, Gasteizen

Eusko Jaurlaritzako Segurtasun Sailak, Ertzaintzak eta Open Society Fundazioak "Ertzaintza eta gutxiengo etnikoak: Harremana, lankidetza eta inklusioa" izenburuko jardunaldia antolatu dute asteazkenerako, abenduaren 19rako, Gasteizko Europa jauregian. Gutxiengo etnikoen komunitate eta kolektibo ezberdinekin egiten duten lanaren berri emango dute Ertzaintzako hainbat arduradunek.

Euskalduna jauregiak Bikain euskararen kalitatearen ziurtagiria lortu du

Bilboko Euskalduna jauregiak Eusko Jaurlaritzak ematen duen Bikain hizkuntza kudeaketaren kalitatearen ziurtagiria eskuratu du, eta bere ordezkariak Gasteizen izango dira arratsalde honetan, ziurtagiria jasotzeko ekitaldian.

Mercadonak bere eredu eraginkorreko supermerkatu berria ireki du Leioan

Mercadonak "supermerkatu eraginkor berri bat" inauguratu du astearte honetan Leioan (Bizkaia), Amaia kaleko 4 zenbakian. Konpainiaren denda eraginkorreko eredu berriko supermerkatuak 40 langile ditu, "lan egonkor eta kalitatekoarekin", eta lau milioi euroko inbertsioa ekarri du. Denda eraginkor berria eraikitzeko obren fasean 91 hornitzaile eta 348 langile jardun dira, konpainiak jakinarazi duenez.

ELAko Nazio Batzordeak Mitxel Lakuntza proposatu du Adolfo Muñoz ordezkatzeko idazkaritza nagusian

ELA sindikatuko Nazio Batzordeak Mitxel Lakuntza proposatu du Adolfo "Txiki" Muñoz ordezkatzeko eta idazkari nagusi berri izateko. Izan ere, sindikatuaren araudiari jarraikiz, Muñozek 2019an bukatuko du agintaldia, adin kontuagatik. ELAko Nazio Batzordeak sindikatuko Batzorde Eragilea eta eskualdeetako eta federazioetako arduradunak biltzen ditu, eta berari dagokio proposamena egitea.

Emakumeen bizi itxaropena 86,5 urtekoa da EAEn, eta gizonena 80,3koa

Bizi itxaropenak ia urtebete egin du gora 2013tik Euskal Autonomia Erkidegoko (EAE) gizonetan eta 80,3 urtekoa da, Europan baino bi puntu handiagoa. Emakumeetan ia ez da aldaketarik egon bizi itxaropenean, eta 86,4 urtetik 86,5 urtera igo da, Europan baino hiru urte handiagoa. Gizonen bizi itxaropenaren gorakada desgaitasunik gabe bizi izandako urteen hazkundeari esker gertatu dela, lehen 69,3 urtekoa baitzen, eta orain, 70,1 urtekoa. Emakumeetan, aldiz, gorakada txikia antzeman da desgaitasunarekin bizi izandako urte kopuruan, 2013an baino 0,4 urte gehiago izanik.

Bisitariei euskara ezagutarazteko bideo bat egin dute Donostian

Donostia Turismoa & Convention Bureau erakundeak "Easy Guide To Euskera" bideoa sortu du bisitariei euskara ezagutzera emateko asmoz. Gainera, bideoa osatzeko, euskararen jakinmina piztea helburu duen blogeko posta bat ere sortu du.

Haizeagatiko abisu horia asteartean, 100 km/h-ko abiadura gaindi dezaketen haize boladekin

Euskalmet euskal meteorologia agentziak astelehen honetan jakinarazi duenez, haizeagatiko abisu horia aktibatuko da Euskal Autonomia Erkidegoko (EAE) haizeguneetan asteartean, abenduaren 18an, 00:00etatik 15:00ak arte, hego-osagaiko haize boladek 100 km/h-ko abiadura gaindi dezaketelako haizeguneetan, bereziki mendi inguruneetan.

Zozketak, lantegiak eta zinema areto gehiago izango dira Zinegabonak ekimen berrituan

Zinegabonak ekimena berrituta itzuliko da aurten zozketekin, lantegiekin eta zinema areto gehiagorekin. Zineuskadi plataformak Euskadiko Zinema Aretoen Elkartearekin (EZAE) eta EiTBrekin elkarlanean antolatzen duen programa abenduaren 26tik urtarrilaren 4ra bitartean ospatuko da: Bilboko Multibox-EiTB aretoan, Donostiako Principe, Iruñeko Golem Baiona, Errenteriako Niessen, Zornotza eta Urruñako Itsas-Mendi zinema aretoetan eta, aurten lehen aldiz, Barakaldoko BECeko Gabonetako Haur Parkean).

The Strokes, Rosalía, Thom Yorke, Vetusta Morla eta Suede, Bilbao BBK Live jaialdian

Bilbao BBK Live jaialdiak 2019ko edizioan Weezer taldeari gehituko zaizkion izen berrietako batzuk iragarri ditu astelehen honetan, eta horien artean nabarmentzen dira The Strokes, Rosalía, Thom Yorke Tomorrow's Modern Boxes, Vetusta Morla eta Suede. Jaialdia 2019ko uztailaren 11, 12 eta 13an ospatuko da, Kobetamendin.