Apuntan a un caso de violencia de xénero na morte do matrimonio do Porriño

O matrimonio que apareceu morto á primeira hora da tarde deste luns no Porriño (Pontevedra) presentaba feridas por arma de fogo, segundo confirmaron a Europa Press fontes da Garda Civil, que está a investigar o crime como un acto de violencia de xénero.

Un operario ferido grave após caerse dunha obra en Crecente

Os servizos sanitarios de urxencia trasladaron na tarde deste luns a un operario que resultou ferido grave após caerse dunha obra na localidade pontevedresa de Crecente, segundo informa o 112. O accidente tivo lugar no Lugar de Casares sobre as 17,30 horas, cando o traballador, dunha empresa de montaxes, caeu desde unha altura duns 20 metros.

O xuíz de Angrois retomará as declaracións a un mes do quinto aniversario

O titular do Xulgado número 3 de Santiago, Andrés Lago, que instrúe a causa polo accidente do tren Alvia en Angrois (Santiago) o 24 de xullo de 2013 retoma a semana que vén as declaracións que tiveron que ser anuladas pola folga dos empregados públicos da xustiza galega, que empezou en febreiro e prolongouse durante tres meses.

A CIG chama a mobilizarse este martes para que o Goberno cambie as políticas do PP

A CIG fai un chamamento a mobilizarse este martes, 19 de xuño, para "forzar" ao novo Goberno que dirixe o socialista Pedro Sánchez a cambiar as políticas "que empobrecen e precarizan". As mobilizacións están convocadas para as 20,00 horas no sete grandes cidades, en Vilagarcía, Monforte, As Pontes, Burela, Cee, A Estrada e A Pobra do Caramiñal.

Morre un home ao envorcar o vehículo no que circulaba en Oroso (A Coruña)

Un home faleceu na noite do domingo nun accidente de tráfico rexistrado no concello coruñés de Oroso despois de envorcar o vehículo no que viaxaba. Segundo informou o 112 Galicia, o sinistro ocorreu ás 23,00 horas deste domingo no punto quilométrico 46 da estrada N-550, dirección Sigüeiro.

Investigan a desaparición desde o xoves dunha moza de Barreiros (Lugo)

A Policía Nacional investiga a desaparición dunha moza de 22 anos de idade de Barreiros (Lugo) desde o pasado 14 de xuño após a denuncia presentada pola súa familia. Así o confirmaron a Europa Press fontes próximas á investigación, que indicaron que a denuncia da desaparición foi presentada o pasado venres ás 16,00 horas na Comisaría da Policía Nacional de Lugo.

O Gaiás programa 67 actividades de verán para atraer a 50.000 participantes

A Cidade da Cultura de Galicia programa este verán un total de 67 actividades estivais que, a través de iniciativas de arte, música e natureza, prevén atraer a 50.000 participantes adicionais aos visitantes habituais do complexo compostelán.